طريقة عمل السردين المخلل المملح فاطمة ابو حاتى

 السلام عليكم ..

النهارده جايبالكم وصفة انما ايه حلوة اوى وهتعجبكم وسهله وكلنا بنحبها ..

وبنشتريها من بره لاء انا هقولك التفاصيل واعمليها فى البيت وابقى توب شيف ..

السردين المملح المخلل :

المقادير والطريقة :

هنجيب كيلو سردين بلدى ونغسله وننشفه بمناديل مطبخ كويس جدا وعند الخياشيم ميبقاش فيه اى نقطه مايه ..

هنجيب كيس ملح عادى ومعلقتين كبار شطه ومعلقه بابريكا ومعلقتين كركم ونقلبهم فى طبق ونملح السردين كويس اوى ونحشى

 الخياشيم بالملح ونكبسها ..

هنجيب علبه بلاستيك او برطمان وهنحط جواه كيس ونرص فيه السردين وبين كل طبقه والتانيه نرش ملح

لحد ما نخلص كل الكميه ونرش الملح الزياده ع الوش ..

هنقفل البرطمان وبعد يومين هنقلب البرطمان عشان كله يستوى ..

نفتحه بعد 10 ايام ..

الف هنااا ..