السلام عليكم ..
النهارده جايبالكم وصفة انما ايه حلوة وكلنا بنحبها جدا بس مش كلنا بيعرف يعملها فى البيت انا هقولك على كل التركات اللى تخليكى
توب شيف ..
الفسيخ البورى فى البيت :
الطريقة والمقادير :
اول حاجه هجيب سمكه بورى تكون فريش وعينها بتلمع ويكون وزنها متوسط
هغسلها كويس واوقفها فى مصفاه لحد ما تنشف مش اقل من 15 ساعه ..
بعد كده هجيب مناديل مطبخ وانشف خياشيم السمكه كويس جدا من اى دم
هعمل مساج للسمكه براحه جدا عشان اما تستوى اللحم يفصل بسهولة
بعدها هجيب خليط من ملح خشن او عادى وشطه وبابريكا وكركم
هجيب كيس واحط الخلطة دى من تحت واحشى خياشيم السمكه بالخلطه وبوقها واحط السمكه واحط عليها الخلطه
الفها فى الكيس
واجيب استرتش رول والفها كتير
احطها فى اكياس تانى
اضعها فى مكان مظلم وافضل كل يوم اقلب السمكه على ناحيه عشان تستوى من كل حته
اسيبها فى الشتا 21 يوم وفى الصيف ممكن اسبوعين
انضفها وبالف هناا
يمى يمى
ردحذف