طريقة الفطير المشلتت الكداب بلفه جلاش فاطمة ابو حاتى

 السلام عليكم ..

النهارده جايبالكم وصفة انما حلوة اوى ههتعجبكم وهتحل مشكلة كتيره للناس اللى مش بتحب العجن ..

فطير مشلتت بالجلاش :

الطريقة والمقادير :

اول حاجه هنجيب لفه جولاش طرية 

هنجيب كوب قشطه وكوب زبده على سمنه

معلقه بيكنج بودر + معلقتين سكر + ربع كوب حليب دافى

هنضع الزبده والقشطه وربع كوب لبن وبيكنج بودر وسكر على بعض ونقلبهم كويس

هنجيب صينيه مدهونه زبده وناخد اول ورقتين ونضعهم فى الصينية

ونخلى الاطراف بره الصينية

هندهن من الخليط ده كل الجلاش

هنحط الورقه التانيه وندهنها وكده لحد اخر ورقه ..

اخر ورقه هنلم بيها الصينيه بعد ما نلم كل الاطراف وندخلها فى قلب الصينيه وندهنها

هنسوى الفطيره لحد ما تحمر

هتطلع طريه بس نلفها بفوطه 10 دقايق عشان تبقى طريه

وكليها بقى بالف هناا