طريقة عمل طاجن الكوارع وفتة الكوارع بالخل والتوم فاطمة ابو حاتى

 السلام عليكم ..

النهارده جايبالكم اكله انما ايه حلوة اوى وهتعجبكم ..

صحيح فيه ناس مش بتحبها بس هى ليها محبين كتير هقولك على طريقتها بالتفصيل وهتبقى فيها توب شيف ..

الكوارع فى الفرن :

طاجن الكوارع :

فته الكوارع :

اولا الكوارع لازم تكون امامية لان الخلفية صغيرة وضعيفة ومش حلوة

ثانيا التنضيف مهم اوي علشان متحسش بزفارة ولاطعم مش حلو بتغسليها كويس وتنظفي بالسكينة اي حتت غامقة ولو فيها شعر بتحرقيه علي النار بتمسكي قطعة الكوارع وتقربيها من النار مباشرة هتشمي شياط متخافيش كملي واغسليها حلو بالمايه اخر حاجة تدعكيها بالملح والخل وشويه وتشطفيها كويس وتحطيها في مصفاة

حلة ع النار ويفضل تكون حله ضغط لانها بتاخد وقت طويل فيها مايه بتغلي تنزلي الكوارع بعد ما اتصفت وكل شوية تشيلي الريم دي خطوة مهمة علشان الشوربة تبقي نضيفة وبعد ما الريم كله يخلص تجهزي بصل وثوم وورق لوري وحبهان ومستكة وفلفل اسود وتنزليهم في الشوربة ووطي النار وروحي ناميلك ساعتين

بتابعيها وقبل السوا بشوية ضيفي الملح وبعدين ترفعيها في صينية

اللون الحلو اللي الكل سأل عليه باخد ملعقتين من خلطة الخل والتوم بتوع الفتة واضيف عليهم ملح وفلفل وبهارات وصلصة وشوية زيت واقلبهم كويس وبالفرشة اغطي كل الكوارع وادخلها الشواية تاخد وش الجراتان اللي كلكم حبتوه وبعدين احط طبق فيه زيت وعليه فحمة مولعة نار وغطي الصينيه كويس وشمي احلي الروايح

والفته بتتعمل بطريقة الفته العادية

قدميها بالهنا والشفا..

مواضييع تهمك :

كحك العيد الناعم اوى فاطمه ابو حاتى
كيكه الروانى طريه وهشه وجميله
كيك النوتيلا والشيكولاته وهم بجد
طاجن ام على بالقشطه طعمها وهم
وصفة مبتكره تورتة من بواقى الكيك
بلح الشام زى ما الكتاب قال تجنن
جلاش صوابع محشى كنافة طعمه وهم
باستافلور بالشيكولاتة والمربى جديده وجميله
مواضييع تهمك :
كشرى مصرى بالدقه فى حله واحده طعمه تحفه
منين بالعجوه والملبن دايب فاطمه ابو حاتى
طريقة عمل القراقيش ساده وبالعجوه والطعم مفاجأه
طريقه عمل بط بالبرتقال وكشك بشوربه البط
طريقه خبز التورتيلا فى الطاسه
سلطة الكول سلو زى بتاعت برا واحلى
وصفة العيش الشامى فى الطاسه