طريقه عمل بط بالبرتقال وكشك بشوربه البط

السلام عليكم ..
النهارده جايبالكم وصفه سهله اوى وحلوة هتعجبكم ..
البط بالبرتقال و الكشك بشوربه البط :

الطريقه :
1 بغسل البطه كويس ب دقيق و ملح و بدعكها كويس بالليمون و بنقعها في خل لمده 10 دقائق.

2 في حله علي النار حطيت فيها معلقه زيت و بعد ماغسلت البطه و نشفتها كويس نزلت بيها في الحله و الزبت سخن جدا و شوحتها لحد ما احمرت و حطيت ( بصلتين كبار متقطعين كبير و روز ماري فريش و كرفس و فصين توم صحاح و جزر و ورق لوري) اتشوحو معاه دقيقه كده و نزلت عليهم بالمياه المغليه و طبعا بهرات بقي ( ملح فلفل بهارات مشكله و قرفه و جوزه الطيب و اي توابل تحبوها بقي)

3 الوش بتاع التحمير بقي معلقتين كبار صلصه  و معلقتين كاتشب و حته زبده و زعتر فريش و معلقه عسل كبيره و عصير برتقال و رشه فلفل اسود

4 بعد ما البطه استوت حطيتها  بقي جبت صنيه و قطعت شرائح بطاطس رفيعه جدا و حطيت البطه فوقيها و فتحت فيها حتت كده و حطيت الصوص بقي العملتو و شويه شوربه من البطه كده علشان ماتنشفش و بعد ما اخدت اللون  حطيت البرتقال الشرائح كده و فتحت عليها الشوايه علشان يتحمر و ينزل الصوص
مواضييع تهمك :
طريقه خبز التورتيلا فى الطاسه
سلطة الكول سلو زى بتاعت برا واحلى
وصفة العيش الشامى فى الطاسه
وصفة العيش الفلاحى الطرى البكاكين
صينيه فراخ مشويه فى الفرن حلوة اوى
الكشك بقي..
حمرت البصله في الزيت و معلقه سمنه و بعدين طلعت البصل علي جنمب و نزلت كبشه رز كده و عليها شويه شوربه و بعد ما الرز استوي جهزت بوله فيها كبايه زبادي و لبن و ٤ معالق دقيق و ملح و فلفل و زودتو بشويه شوربه و قلبتهم كويس و نزلت علي الرز و انا بقلب جامد علشان مايكلكعش و اديتو غلوه كده لحد مايتقل و بعدين حطيت شويه من البصل المحمر جوه و قلبتو و الباقي علي الوش في التقديم.
الف هنااا