طريقة عمل مكرونة بالبشاميل جوسى وسايحه فاطمة ابو حاتى


 السلام عليكم ..

النهارده جايبلكم اكله انما ايه قمر قمر كلنا بنحبها صغار وكبار هقولكم على كل التكات اللى تخليكم توب شيف ..

المكرونة بالبشاميل الجوسى :

نجرسكو :

لازانيا :

كل الطريقه واحده مع اختلاف نوع المكرونة والحشو سواء فراخ للنجرسكو او بشاميل ولازانيا باللحمه المفرومة المعصجه ..

المقادير :

كيس مكرونة اقلام صغيره ويكون نوع حلو

كيلو حليب

دقيق

زبده او سمنه

ملح وفلفل

موتزريلا او تشيدر

الطريقه :

مواضييع تهمك :

هنسلق المكرونه ونصفيها ونركنها على جنب ..

هنعصج اللحمه المفرومة ببصله تتدبل وفلفل الوان واللحمه لحد ما تنشف مايتها نتبلها ملح وفلفل وشويه زيتون

ونركنها

هنعمل البشاميل :

4 معالق دقيق مع زيهم زبده او سمنه ونقلب لحد ما نلاقى الدقيق استوى نضيف الحليب ونقلب بسرعه عشان ميكلعكش

البشاميل لازم يكون سايل مش جامد

هنجيب بايركس وندهنه من البشاميل اللى عملناها ونحط نص المكرونة وعليها شويه كتير من البشاميل ونقلب براحه ونحط العصاج

ونحط الطبقه التانيه من المكرونة وعليها البشاميل وموتزريلا او تشيدر من غير بيض نهائى

وعلى الفرن لحد ما تاخد لون حلو

ودوقى احلى مكرونه بالبشاميل سايحه ونايحه وجوسى جدا ..

الف هناا

تعليقات

إرسال تعليق