النهارده جايبالكم وصفه سهله اوى وحلوة هتعجبكم ..
القراقيش
المكونات :
كيلو دقيق
٥٠٠ جرام زبده او ٤٠٠ سمنه
كوب و نص حليب دافي
٢ معلقه كبيره سكر
معلقه كبيره خميره
معلقه كبيره سمسم
معلقه كبيره شمر و ينسون
نص معلقه صغيره ملح
الحشو :
نص كيلو عجوه
معلقه كبيره سمنه او زبده
هنعجن العجوه بالسمنه على البارد لحد ما تبقى طريه و سهلة التشكيل .
الطريقه :
أول حاجه هنحط الخميره مع رشة سكر و معلقة ميه دافيه في كوبايه و نقلب و نسيبها تخمر .
هنجيب بوله و نحط الدقيق و السكر و السمسم و الشمر و الينسون و الملح و نقلبهم كويس و بعدين ندفي السمنه و ننزل بيها على الدقيق و نبدأ نفرك السمنه مع الدقيق لحد ما الدقيق يختفي تماما و يشرب السمنه كويس.
هنضيف الخميره و الحليب الدافي و نبدأ نعجن كويس لحد ما العجينه تلم معانا و بعدين نغطيها و نسيبها ترتاح ساعه و نبدأ نشكلها و نحشيها بالعجوه .
التسويه :
هندخل القراقيش فرن سخن على درجة حراره ١٧٠ على الرف اللي في النص لحد ما تاخد لون حلو من تحت و لو احتاجت الشوايه نولعها على الهادي و نخرجها من الفرن
الف هنا ..
تعليقات
إرسال تعليق