المحوجه او اللقمه الصفرا بابسط طريقه

السلام عليكم ..
النهارده جايبالكم وصفه سهله وحلوة هتعجبكم ..
  اللقمة الصفرا بابسط طريقة
 المقادير:
 كوبين دقيق منخول ، مع م.ص بيكنج بودر، كوب زيت(للي بيحبها دايبة واللي يحبها مقرمشة ينقص ربع كوب نص كوب سكر بودر ، 4م.ك سمسم، م.ك مليااااانة زي الهرم محوجة (هنجيب م العطار محوجة او خلطة لقمة صفرا هنقوله كدة ب5 جنيه هيعملك كتييييير بس معلش بقي زي بعضه انخليها الطريقة :
 شغلي فرنك علي 180 من تحت يسخن على ما نجهز
في بولة حطي كل المكونات الجافة الدقيق بالبيكنج بودر والسكر والخلطة و3 م.ك سمسم(سيبي معلقة علي جنب راجعينلها) قلبي بقي المكونات الجافة كويس جدا وانزلي بالزيت واخلطي بدووووون عجن هتعملك خليط زي العجينة السايبة بس تقيلة دا لو حطيتي الزيت كله ولو قللتي الزيت هتبقي مرملة قشطة كدة هاتي بقي صينيتك وادهنيها زيت وانزلي بالخليط وبلي ايديكي زيت وبططي افرديها كلها وساوي وشها ووشها يبقي مبلول زيت وبيلمع كدة

مواضييع تهمك :
الديسباسيتو كيك بالنوتيلا طعمه وهم
مينى تارت بالنوتيلا والشيكولاته والكراميل
كب كنافه بالقشطه طعمها يجنن
كحك العيد الناعم اوى فاطمه ابو حاتى
كيكه الروانى طريه وهشه وجميله

كيك النوتيلا والشيكولاته وهم بجد

 استني مستعجلة علي ايه  هاتي معلقة السمسم اللي شيلناها مش بقولك راجعينلها رشيها علي وش الصينية وممكن تضيفي معلقة حبة البركة وبططي او اضغطي ضغطة خفيفة علشان السمسم يمسك ودخليها الفرن ع الرف الوسطاني وخدي بالك تتلسعي الفرن سخن اظبطي ساعتك جنبك 10:15 دقيقة متزيدش عن كدة وشغلي الشواية وطلعيها هي اصلا مبتحمرش بس علشان اريحك اول ما تطلع قطعيها وهي سخنة عارفة انها طرية متستعجليش ع رزقك هي مستوية بس لما تبرد هتنشف ..
الف هناا