حمام محشى ارز ومحمر بطريقة سهلة ومضمونة فاطمة ابو حاتى

السلام عليكم ..
النهاردة جايبالكم اكله جديدة من اكلات ماما كلنا بنحبها ..

الحمام المحشي ....

الطريقة ::

حمام متنضف ومغسول كويس ومتصفي خالص

الحشو هنقطع الكبد والقونص والقلوب ونشوحهم في حتة سمنة مع فلفل اسمر

مقدار الرز لكل حمامة كبشتين رز بايدك

نضيف الرز ونقلب ونحط ورق لوري وحبهان مطحون احلى حاجة عشان ميضايقش في الاكل وفص مستكة ومعلقة كاري وتشويحة

 تمام ونحط مية كوب ونسيبه يتشرب كويس على نار هادية..... نكون محضرين بصلة مبشورة ومدعوكة بملح وفلفل اسود ....نطفي

 عالرز نضيف البصلة دي

مقلكووووش عالريحة روووعة

هاتي الحمام ومدي ايدك من جلد الرقبة وفتحي الجلد من الصدر لحد الوراك واقفي عشان الرز ميخرجش من تحت

واحشي الحمام من جوه الرقبة بجلد الصصدر ووزعي الرز كويس واحشيه من تحت طبعا وكتفيه كويس كده

الحشو بين الجلد بيعملو شخصية حلوة شخصية حلوة كده

والحمامة بالرز اللى فيها بتشبع لوحدها...... وتغلي مية وتحطي الحمام وتبهريها اول ما يغلي نص ساعة وهتلاقيه استوى

التحمير ... زبدة مع زيت وتش ......عالوشين وبالهنا