طريقة عمل كب كيك سهله وطرية العزومة فاطمة ابو حاتى

السلام عليكم ..

النهارده جايبالكم وصفة انما ايه حلوة اوى كلنا بنحبها كبار وصغار وممكن نغير فيها براحتنا ..

كب كيك :

الكب كيك من احلى انواع الكيك اللى الولاد بتحبها نظرا لاننا ممكن نزينها بكذا طريقه ..

واللى مش بتعرف تظبط المقادير هقولك ع الوصفة الصح اللى هتخليكى توب شيف ..

مقادير الكب كيك :

2 بيض + فانيليا

كوب ونص دقيق + ذره ملح

ربع كوب زيت

نص كوب حليب

نص كوب سكر

معلقه كبيره بيكنج بودر

تشوكليت شيبس او شيكولاته

الطريقة :

هنجيب بوله ونحط فيها الدقيق والبيكنج بودر والملح ولو عايزينها شيكولاته هنشيل معلقتين دقيق ونحط مكانها كاكاو خام ..

فى الخلاط هنحط البيض والفانيليا والسكر والزيت والحليب ونضربهم دقيقه

ننزل بيهم ع الدقيق ونقلب بالراحه

نجهز صينيه الكب كيك ونصب فيها لحد 3 ارباع فقط عشان هترتفع ..

ندخلها فرن سخن على 180 لحد ما تستوى ونختبرها بعود خشبى ..

نقدمها ونزينها بالنوتيلا او الكريمه والفراوله ..

الف هناا