السلام عليكم ..
النهارده جايبالكم وصفة حلوة اوى ومغذية اوى هتعجبكم ..
مربى الجزر بالبرتقال :
كيفية عمل مربى الجزر بالبرتقال :
اول حاجه مين فينا مبيحبش ولاده ياكلوا الاكل الصحى لكن الولاد ممكن ميبحوش ياكلوا الاكل بصورته الطبيعيه فلازم نكون اذكى منهم
ونحاول نقدمه بنفس القيمه لكن بصورة مختلفة مين هتبقى توب شيف فى نفسها ..
طبعا فى الشتاء الجزر والبرتقال بيكون متوفر جدا وطعمه حلو وكمان رخيص فلازم نستغل ده ونعمل مربى للفطار او العشا او سحور رمضان
هنجيب كيلو جزر ونبشره ونحط عليه كوب سكر ونحطه فى علبه مقفوله كام ساعه عشان ينزل مايته
هنعصر كيلو برتقال وناخد القشر نبشره ونحطه مع المربى بيخلى طعمها جميل ونكهه البرتقال تكون معززه فيه اووى
بعد كده هنجيب حله اكبر من مقاس الجزر ونحط فيها الجزر والبرتقال واول ما تغلى نوطيها خالص ونشيل الريم من عليها وبعد ما تتقل نعصر نص ليمونه للحفظ
نجيب برطمانات نضيفه معقمه ازاز او تعقميها فى الميكروويف وتصبى المربى وتسيبيها تبرد وحطى على الوش معلقه صغيره زيت
وحطيها فى التلاجه بتقعد شهور ده لو قعدت من جمالها ..
او شيليها فى الفريزر تقعد سنه مش هيجرالها اى حاجه
اعتمدوا الطريقه دى مش هتبطلوا تعملوها والله ..
الف هنااا
تعليقات
إرسال تعليق