طريقة القرع العسلى بالبشاميل رهيب بجد فاطمة ابو حاتى

 

السلام عليكم ..

النهاردة جايبالكم وصفه حلوة اوى هتعجبكم غير انها لذيذة هى كمان مفيده ومغذيه ..

القرع العسلى بالبشاميل :

هنجيب القرع ونقشره انا بجيبه متقشر جاهز لان قشرته جامده ..

بعدها هغسله واحطه فى حله فيها مايه يادوب تغطيه ومعاه السكر اللى انتى بتحبيه ..

اما يستوى اوى هنهرسه ..

هنحضر البشاميل 3 معالق زبده معاهم 3 معالق دقيق واقلبهم وازود عليهم مايه من سلق القرع واكمل باللبن لحد البشاميل ما يتظبط ويكون خفيف ..

هندهن قالب او طاجن وافرد القرع وعليه شويه مكسرات واحط البشاميل من فوق وادخله الفرن لحد ما وشه يتحمر انا بحبه دافى

 بيبقى ناعم وطرى ..

الف هناا