بالصور طريقة تفريز وتخزين الثوم وعمل الثوم البودر مش هنرمى فتفوتة فاطمة ابو حاتى

 

السلام عليكم ..

النهارده جايبالكم وصفة انما ايه حلوة وهتتعبى يوم بس هترتاحى طول السنة ..

ولا هتعرفى سعره بقى غالى ولا مش موجود فى السوق ولا حد يستغلك وهتعملى حاجه نضيفة وبالنسبه لاسعار بعد كده هتبقى رخيصة ..

دى طريقتى المعتمده بعملها من سنين والله بيفضل زى ماهو لونه ابيض فله ..

تفريز وتخزين التوم :

اول حاجه لازم تعرفى انتى هتعملى ايه هتخزنيه ولا تفرزيه عشان هيفرق ..

لو هتخزنيه هتجيبى التوم الاحمر وراسه بتبقى كبيره هتضفرى التوم فى بعضه زى السلسه وتعلقيه فى مكان مفيهوش شمس جامده ..

لكن انا بفرزه ..

يعنى بفرمة واشيله من السنه للسنه ..

هقولك ازاى ..

هجيب التوم الابيض ابو راس كبيره على قد ما تقدرى و هتجيبه اول ما ينزل مش لما ينشف عشان هنفرمه ويبقى سهل فى الكبه ..

اول حاجه هتقشرى التوم يعنى هتشيلى القشره والراس اللى فوق وتجيبى قدامك كذا طبق

واحد للراس البيضه بس وواحد للحته الطريه الخضرا اللى تحته وواحد للقشره اللى بره ..

هتجيبى الكبه وتحطى فيها كام معلقه زيت زمعلقتين ملح وتفرمى الراس البيضه وتعبى فى برطمان نضيف او اكياس بلاستيك

 مدهونه زيت عشان التوم ميجمدش معاكى

انا بفضل الاكياس عشان مش بتاخد مكان كتير فى الفريزر ..

هتخلصى كل الروس البيضا وتمام هتحطيهم فورا فى الفريزر ..

تانى حاجه الحته الخضرا هتفرميها مع فلفل اخضر او احمر وملح وزيت وتشيلهم لتتبيله السمك والبتنجان

تالت حاجه القشر هتولعى الفرن وتحطيه فى صينية وتدخليه الفرن وتقلبيه اوعى يتحرق

لما ينشف تحطيه فى بتاعت التوابل لحد ما يبقى ناعم اووى

وتحطى عليه معلقتين ملح ومعلقه نشا وتشيليه فى برطمان نضيف

كده استخدامك هيكفيكى ويريحك طول السنه والله مش هتشترى توم ولا بودره ..

ادعولى دعوة حلوة ..