ميني بيتزا بحشوات مختلفه العزومة فاطمة ابو حاتى

 

السلام عليكم ..

النهارده جايبالكم وصفة انما ايه هتعجبكم اوى والولاد كمان بيحبوها وبنشتريها دايما لاء دلوقتى هتعمليها فى البيت وهتبقى توب شيف ..

ميني بيتزا بحشوات مختلفه :

المقادير والطريقة :

   5 كوب دقيق + نص معلقه ملح

   2 كوب الا ربع كبيرة ماء

   5 ملاعق كبيرة لبن بودرة

 كيس خميرة + معلقتين سكر

للحشو:

انتى بقى زى ما ولادك بيحبوها ..

   بسطرمة ، سوسيس ،فراخ،سلامى،سى فود

   كاتشاب

   طماطم

   زيتون

   فلفل

   جبنة موتزريلا او ميكس جبن

هتجيبى طبق فيه نص كوب مايه دافيه ومعلقه سكر وتحطى كيس الخميره وتسيبيه يخمر ..

هتحضرى الدقيق وعليه الملح واللبن البودرة ..

ضعى الخميره على الدقيق واعجنى بمايه دافيه لحد ما العجينه تتلم معاكى حطى معلقه زيت ع الوش وغطيها وحطيها فى مكان دافى تكمل اختمار ..

بعد كام ساعه رشى الرخامه دقيق وافردى العجينه وشكليها بالحجم اللى تحبيه

ادهنى الوش صلصه وحطى الحشوة ودخليها الفرن

وكلى احلى مينى بيتزا ..

الف هناا