طريقة عمل فخارة اللحمه بالبصل وغطا من العجين العزومة فاطمة ابو حاتى

 

السلام عليكم ..

النهارده جايبالكم وصفة انما ايه حلوة اوى وجديده هتعجبكم ..

وصفه كلنا بنحبها وبنطلبها فى المطعم لاء النهارده هخليكى تعمليها فى البيت وتبقى توب شيف ..

فخارة اللحمه بالبصل والعجين :

الطريقه والمقادير :

اول حاجه هنجيب كيلو لحمه ونقطعه مكعبات ..

هنقطع نص كيلو بصل جوانح ..

زبده وتوابل

هنعمل الغطا بالعجين كوب دقيق ونص مايه وذره ملح ونعجنهم ونجهزها على أد الطاجن ..

هنشوح اللحمه فى زبده وبعدها ننزل عليه بالبصل لحد ما يتكرمل وياخد لون حلو ونقطع مكعبات بطاطس ونشوحها معاهم

هننزل بنص كوب مايه ونقلب لحد ما يستوى ونحط التوابل ونصبه فى طاجن ونغطى الوش بالعجينة وممكن موتزريلا وندخله فرن على 180 لحد ما يستوى ..

هيبقى تحفه وغمسوا العجينه بالصوص بتاع اللحمه هتنبسطوا ..

الف هناا