الملوخية الخضرا بالتقليه المظبوطه فاطمة ابو حاتى

 

السلام عليكم ..

النهارده جايبالكم وصفة اكل انما ايه حلوة اوى وكلنا بنحبها كبار وصغيرين ..

بنحبها بالارانب وبالفراخ ..

مع المحشى ومع الارز ومع العيش ..

حلوة فى كل حالاتها ..

طريقة عمل الملوخية الخضرا :

هنجيب نص كيلو ملوخيه ونقطفها بجزء صغير من العيدان ونغسلها ونحطها على فوطة نضيفه تنشف ..

بعدها هنحطها جوه كيس ونفضى منه الهوا ونخرطها لحد ما تنعم بس بلاش كتير عشان متسودش ..

هنجيب حله فيها كوب ونص شوربه وفص توم ونسيبها تغلى ..

اول ماتغلى هنسقط الملوخيه غلوه واحده وبسن المعلقه نحط ذره كربناتو او سكر عشان تفضل لونها اخضر ..

فى طاسه هنحط كام فص توم مدقوق مع معلقه كزبره وسمنه ونعمل الطشه على الملوخيه واطفى وغطى الحله بجنب متقفليش الغطا اوى ..

الف هناا