طريقة مربى الفراولة وصوص الفراولة فاطمة ابو حاتى

 

السلام عليكم ..

النهارده جايبالكم وصفة حلوة اوى وكلنا بنحبها ومحدش يقدر يستغنى عنها فى الفطار او العشا والسحور ..

مربى الفراولة :

الطريقة والمقادير :

كيلو فراولة

نص كيلو سكر

ليمونة

هنجيب الفراولة الفريش ويكون مفيهاش اى عطب ..

هننزع العنق الاخضر ونشيله بالسكينه ..

هنقطع الفراوله نصين او نهرسها ب ايدينا بعد اضافه السكر عليها ..

هنسيبها ساعتين تنزل مايتها خالص ..

هنرفعها فى حله على النار او ما تغلى نوطيها ونقلب باستمرار ونشيل دايما الريم بتاعها واعصرى نص ليمونه ..

اول ما تتقل وتلاقيها على المعلقه مش بتنزل اطفى عليها وسيبها ساعه تبرد ..

هاتى برطمنات زجاج معقمه وحطيها فيها وضيفى معلقه زيت عباد الشمس ع الوش عشان تعيش معاكى شهور ..

والله الطريقه دى تحفه وبتقعد معايا فى الفريزر بالسنه ..

لعمل صوص الفراوله :

اول ما تبتدى تستوى وقبل ما تتقل لدرجه المربى اطفى عليها او شيلى منهم شويه لزوم صوص الفراولة لعمل تشيز كيك ..

الف هناا