طريقة روستو صدور الدجاج فاطمة ابو حاتى

 

السلام عليكم ..

النهارده جايبالكم وصفة انما ايه حلوة اوى هتعجبكم وبتنفع اوى فى العزومات وبيبقى شكلها شيك وبتعمل كتير ..

صدور الدجاج الروستو :

الطريقة والمقادير :

هنجيب صدر فرخه مخلى ويكون كبير وممكن كمان نعمله بالرومى او البط وبيبقى حلو اوى ..

هنتبله بملح وفلفل والبهارات ومايه بصل ونسيبه نص ساعه وبعدها هجيب طاسه سخنه ومعلقتين زبده على زيت واشوح الفراخ من كل ناحيه تاخد لون حلو وتحتفظ بالعصاره غشان تفضل جوسى ..

بعد كده هاخد الصدور دى واحطها فى الكيس الحرارى تستوى بقى براحتها ..

بعد كده ممكن نعمل صوص بنى نضيفة على الفراخ بعد ما تتقطع ..

فى نفس الطاسة اللى شوحنا فيها الصدور هنحط معلقه زبده ومعلقتين دقيق ونشوحهم ونضيف كريمة طهى ونقلب ونضيفها على شرائح الفراخ لما تتقطع ..

بعد ما تستوى وتبرد خالص نقطعها شرايح ونقدمها ..

ألف هناا ..