طريقة البتنجان المخلل زى المحلات فاطمة ابو حاتى

 

السلام عليكم ..

النهارده جايبالكم وصفة حلوة اوى كلنا بنحبهاوبالذات جنب الاكلات الشعبيه بتأكل جدا وبتفتح النفس ..

جايبالكم الطريقة زى بتاعت المحلات وعربيات الفول ..

بتنجان مقلى بالدقة :

هنجيب بتنجان عروس اللى هو الرفيع ده نجيبه يكون مش كبير ..

نغسله وننشفه ونشقه شقه صغيرة من الجنب ونقليه فى زيت ..

هنخرجه على مناديل مطبخ وننشفه من الزيت

هنحضر الخلطه :

توم مدقوق وهريسه شطه وملح ولمون وخل ونبتدى نحشى البتنجان لحد ما كل البتنجان يخلص .

هنغطى البتنجان بالخل والليمون ونسيبه كام ساعه هيبقى تحفه ..

وممكن نبشر فوقيه خيار وجزر بيبقى ريحته زى بتاع عربيات الفول ..

الف هنا ..