قطايف بحشوة القشطة والكريمة والكاسترد العزومة فاطمة ابو حاتى

السلام عليكم ..

النهارده جايبالكم وصفة انما ايه حلوة جدا وبالذات فى عزومات رمضان ..

القطايف بحشوة القشطة :

وما ادراك بحلاوة وجمال القطايف تخيل بقى اما تكون محشية قشطة كمان ..

هقولكم ازاى نعملها زى اللى بنشتريها من عند الحلوانى وتكونى توب شيف وانتى بتعمليها ..

المقادير والطريقة :

هنجيب نص كيلو قطايف مش عصافيرى ..

شربات القطايف بيكون بارد كل 2 كوب سكر واحد ونص مايه ونص لمونه وفانيليا

هنعمل القطايف زى القرطاس ونقفلها نص دايره ..

هنقلى القطايف فى زيت عزير ونخرجها نحطها فى السيرب ونصفيها من الشربات

هنجيب عليه قشطه بووك ونحشى القطايف وممكن قشطه بلدى

هنجيب فسدق ونجرشه ونرشه على القطايف ..

الف هناا ..