طريقة التيراميسو بمكونات اقتصادية Tiramisu فاطمة ابو حاتى

 

السلام عليكم ..

النهارده جايبالكم وصفة انما حلوة اوى وسريعه ممكن تعمليها فى عزومة وتقدميها بتبقى شيك اوى ..

هقولكم الطريقة الاقتصادية عشان كله يجربه ..

التيراميسو :

الطريقة والمقادير :

هنجيب باكيت بسكويت فينجرز او اى بسكويت ساده

هنحضر الكريمة اللى هنحطها بين الطبقات ودى انا بعملها بباكت كريم كراميل + كوب زبادى+ كريمه حلويات+ كريم شانتيه

واضربهم كلهم مع بعض بالمضرب

هنجيب طبق وفيه نيسكافيه او اسبريسو ونغمس البسكويت فيه ونرصه فى البايركس ..

وبعد اول طبقه نفرد الكريمه كويس

ونحط رشه كاكاو

هنعمل الطبقة التانيه بنفس الطريقه لحد ما تخلص كل الكمية ..

نحطه فى التلاجه كام ساعه يجمد ويشرب من بعضه ونقدم التيراميسيو بارد ..

والف هناا