طريقة عمل البراونيز Brownies فاطمه ابو حاتى

 

السلام عليكم ..

النهارده جايبالكم وصفة حلوة اوى هتعجبكم ..

كلنا بنحبها وبنروح المطاعم عشان نطلبها مع انها سهله اوى لو عملناها انا هقولكم على كل التفاصيل وهخليكى تعمليها وتبقى توب شيف ..

براونيز :

البراونيز كده زى ما بيقولوا اسمها لوحده يكفى لانها كلها شيكولاته فمحبى التشوكليت بيعشقوها ..

المقادير والطريقه :

هنجيب نصف كوب زبده سايحه ونحطها فى طبق غويط + معلقه زيت ..

عليها 3 اربع كوب سكر ابيض + نص كوب سكر بنى لو مفيش حطوا الكميه كلها ابيض ومعلقه عسل اسود عليهم ..

ونقلب شويه لحد ما يختلطوا كويس بعدها هنضيف 2 بيضه وفانيليا ونقلب لحد ما الخليط يندمج ويبقى متجانس ..

هنضيف بقى المكونات الجافه عليهم نص كوب دقيق + نص كوب كاكاو خام وذره ملح وبس

هنقلب هنلاقى الخليط تقيل هو كده عادى ..

هنجيب بار شيكولاته ونكسره ونحطه على الخليط ونقلب ..

هندهن قالب بالزبده والدقيق ونحط الخليط ونساويه ..

ندخلها الفرن على 180 لمده 22 دقيقه فقط ..

نخرجها ونقطعها بعد ما تبرد ..

الف هناا ..