فراخ مشوية على الازازة فى الفرن فاطمة ابو حاتى

 السلام عليكم ..

النهارده جايبالكم وصفه انما ايه مفيش حد مش بيحبها ..

فراخ مشوية على الازازة فى الفرن ..

والنتيجه ماشاء الله أحلى من اللى بنشترها من الحاتى ..

هقولكم الطريقه والمقادير :

هنجيب دجاجه 2 كيلو مش اكبر من كده ولو اصغر يبقى احسن

هنغسلها كويس ونجب السكينه ونغرزها فى كل الحتت اللى فيها عضم عشان تستوى وميبقاش فيها اى حاجه مش حلوة وبعدين ندعكها بالدقيق كويس

وهنحطها فى مايه وخل وملح ونسيبها شويه

نحضر فى الكبه طمطمايه وبصلايه وفصين توم وكاتشب ومسترده ومعلقه عسل وتوابل زى ما تحبى وبعد كده تصفيهم ..

هتجييى ازازه او شوايه او برطمان وتوقفى عليها الفرخه ومتخافيش الازازه مش هتفرقع

وتحطيها فى صينيه فى الفرن لحد ما تستوى ولونها يبقى حلو افتحى عليها الشوايه ..

وقدميها بقى مع أى اكل بتحبيه بتبقى تحفه والله ..

الف هناا ..