النهارده جايبالكم وصفه انما ايه تحفه قليل عليها والله احلى من اللى بنشتريه لو عملتيه مره مش هتبطلى تعمليه ابدا
هى خطواته طويله بس سهله والله ومش هنشترى تانى من اى مطعم ..
واحده واحده معايا cinnabon
كيفية وطريقة عمل السينابون :
اول حاجه العجينه اول خطوه نص كوبايه لبن وعليها معلقه سكر ومغلقتين خميره ونسيبها تخمر ربع ساعه
بعدين هتنخلى كوبيتين دقيق وعليهم رشه ملح
هتجيبى الخميره اللى اللى خمرت وتنزليها على بيضه وعليها فانيليا 3 ملاعق زبده وتنزلى الدقيق شويه شويه وتركنيهم يخمروا ساعه لحد ماتلاقى العجينه خمرتوبقت ناعمه
هتفردى دقيق ع الرخامه وتحاولى تفردى العجينه بشكل مستطيل عشان نحشيها نص كوب سكر وعليه معلقه عسل اسود وتقليبهم ومعلقتين قرفه ومعلقتين كاكاو خام وتبلى ايدك زبده على كل العجينه بعدين تفردى
هتلفى بقى من الطرف براحه لحد ما تخلصى وتقطعى شرايح بالخيط
هتدهنى بايركس بالزبده وترصى السينابون بعيد عن بعض شويه
تسيبيه يخمر ساعه
هتسخنى الفرن على 180 علشان خبز السينابون وتدخلى السينابون وبعد 10 دقايق طلعيه ورشى عليه براحه كام معلقه كريمه طهى او لبن
وبعدها ب 10 دقايق طلعى السينابون يبرد
هتحضرى التوبيك بقى عشان نغطيه
10 مثلثات جبنه كريمى ومنص كوب سكر بودرة وكام معلقه لبن لحد ما يبقى سائل وتحطيه عليه بقى وشوفى واستمتعى بحلاوته
الف هناا
تعليقات
إرسال تعليق