طريقة خبز الارز المعمر الفلاحى المفلفل ووشه طرى ومحمر فاطمه ابو حاتى

النهارده جايبالكم وصفه انما ايه هتعجبكم اووى ومش كل الناس بتعرف تعملها ..

عارفين ايه ؟

أرز معمر فلاحى على طريقتى ..

المكونات والطريقة.. 

ازاى  أرز معمر  ويطلع مفلفل ومش معجن ووشه طرى ومحمر ؟

هقولكم على سر خبز الارز المعمر ..

أول حاجة اغسلى الارز وانقعيه

بعد ما تنقعيه حطى رشة صغيرة من الملح وماتزوديهوش عشان طعمه مايبانش ورشه فلفل صغيرة جدا لو فيه لحوم

ضيفى لكل كوب أرز منقوع كوب وربع لبن ويا سلام لو كامل الدسم وفلاحى ابو قشطة الحلو دة ..

لكل كوب أرز معلقه سمنة بلدى ممسوحه

ندعك الارز مع السمنة كويس اوى عشان كل رزايه تاخد من طعم السمنة ولو عندك وش لبن بزيادة ادعكيه مع السمنة حتعززى اكتر من الطعم الفلاحى ..

ماتنسيييش رشة الزيت عشان يفلفل 

وفوق الوش معلقة زبادى مع معلقة قشطة بلدى وش اللبن

حتعملى احلى طاجن أرز معمر

أما طريقة التسوية و دى النقطة الاهم تولعى الفرن عشان يكون ساخن مسبقا على ٢٤٠ لمدة ١٠ دقايق وبعدين هدى النار على ١٨٠ لحد ما لونه يحمر ويبقى جميل .

الف هناا ..