طريقة عمل الممبار الخطير من الالف للياء بطريقة فاطمة ابو حاتى

السلام عليكم ..

النهارده جايبالكم وصفه انما ايه حلوة اوى ..

وطبعا الاكلة دى مميزه اوى فى العزومات والاعياد وبنروح اى مطعم عشا ناكلها لكن النهارده هنعملها مش صعبه خالص الموضوع بسيط..

اكلتنا النهارده هى ..

الممبار:

طريقة طهى الممبار

هنجيب ممبار من الجزار ويكون متنضف كويس جدا ..

مش هنكتفى بكده لاء احنا هنغسله كذا مره تحت المايه من الحنفيه

وهنغسله بدقيق وخل وملح وليمون ..

زودا فى التنضيف ..

نضفناه خلاص هنحضر ايه بقى ..

الخلطه

ودى ليها طريقتين ناس بتسبك زى المحشى وناس بتعمله نى فى نى ودى الطريقه اللى هشرحها ..

النص كيلو ممبار بياخد كيلو ارز

وهنقطع طماطم صغيره زى السلطه وخضره شبت وبقدونس وكزبره وبصله وفلفل حامى وتوم ونحط التوابل وكام معلقه صلصه ونبتدى نحشى ..

انا بحشى بالقمع وانزله بالمعلقه عشان بيبقى احيانا رفيع

تمام ..

بعد كده هنغلى مايه وفيها بصله وورق لورا وتوابل اما تغلى هنسقط الممبار براحه ونكون مش هشينه اوى يعنى يبقى مبطط ومتقطع كده حتت مش كبيره

نزل الممبار يغلى ونوطى النار عشان ميفرقعش

بعد عشر دقايق نشوف لحد ما يستوى

نطلعه علطول من الشوربه

ونحمره فى زيت ونقدمه على فرشه بقدونس بيبقى تحفه اوى

الف هناا