السلام عليكم ..
النهارده جايبالكم وصفة انما ايه مفيش حد مش بيحبها ..
الطريقة
هنتبل الفراخ (بصلية + فلفل اسمر + كمون + بهارات) بين الجلد واللحم وبعدين هنسلقهم نص سلقه فى حلة نصها مايه وفيها فلفل اسمر وكمون وبهارات وملح وفلفل اخضر وبصليه
البطاطس هتتقطع حلقات وبعدين نغسلها ونرصها ف الطاجن
بعدين هتجيب بصليه تتقطع حلقلت رفيعه هنفككها بايدينا كل حلقه لوحدها وبعدين ف طبق فيه فلفل اسمر وبهارات وملح ونقلب البصل فيه كويس
و بعدين تضرب الطماطم ف الخلاط حسب الرغبة لو بتحبى صلصتها كتير او خفيفه
هتدهنى الصينيه زيت وترصى البطاطس وبعدين الفراخ وبعدين البصل بتوابله ع الفراخ وكبشتين من شوربة الفراخ وبعدين تصبى الطماطم ع وش الصينيه كلها
وبعدين بتحطيها ع البوتجاز تاخد غلوة اد ١٠ دقايق مثلا
وبعد كده تدخل الفرن ولما تقرب تستوى تشغل الشوايه عشان وشها يحمر
وبالف هنا ..
تعليقات
إرسال تعليق