طريقة عمل الارز باللبن الكريمى الناعم فاطمة ابو حاتى

السلام عليكم ..

النهاردة جايبالكم وصفة حلوة اوى وسهله اوى لو ظبطيها هتبقى استاذة فيها ..

النهاردة هقولك على تركات هتخليه يظبط معاكى ويبقى احلى من اللى بناكله فى اى مطعم او نشترية من اى مكان

هتعمليه احلى من المالكى اصلا ..

الارز باللبن الكريمى :

كيفية عمل الارز باللبن :

طريقة الارز باللبن اللى وشه فيها كرمشه ..

يلا نبدا ..

المقادير دى لكل كيلو حليب ..

هتجيبى حله وتغسلى كوب ارز وتحطيه فيها وتغطيه كده بشويه مايه لحد ما يستوى وكل ما تنقص المايه حطى مايه مغليه وقلبى اوعى الرز يلزق فى الحله

بعد الارز ما يستوى كويس ابتدى حطى اللبن وقلبى وحطى السكر زى ما بتحبى وحطى فانيليا وماء الورد وهاتى نص كوب مايه ودوبى فيها 4 معالق نشا وحطيها واول ما يغلى حطى علبه كريمة طهى حلويات وقلبى لو معندكيش كريمه طهى حطى 3 معالق بودرة الكريم شانتيه او معلقتين سحلب بدون سمسم

ودوقى احلى ارز باللبن وشه مكرمش زى المحلات واما يبرد تبتدى تحطى بقى مكسرات او فاكهه او ايسكريم زى ما تحبى ..

الف هنااا