كيفية عمل صينية الرقاق طرى وبوش محمر فاطمة ابو حاتى

 السلام عليكم ..

النهارده جايبالكم اكله حلوة اوى وكلنا بنحبها وبتنفع اوى فى عزومات رمضان او اى وقت هى سهله لو عرفتى تظبطيها وانا هقولك

 الطريقة عشان تبقى توب شيف ..

كيفية عمل صينية الرقاق طرى وبوش محمر :

طريقة عمل الرقاق الطرى :

اول حاجه هنجيب نص كيلو مفروم وهنعصجه ونخليه على جنب ..

هنجيب نص كيلو رقاق ناشف ونجيب طبق مسطح مليان شوربة سخنه ونجيب سمنه سايحه  ..

هنجيب الرقاقه ونبلها فى الشوربة كويس ونرصها فى صينية مدهونة سمنه بعد ما نرصها نحط عليها معلقه سمنه

ومعلقتين شوربه نرشهم على الاطراف  ونعمل كده فى كل الكميه ونحط العصاج فى النص

ندخلها الفرن على 180 لحد ما وشها يتحمر اول ما تتحمر نطفى الفرن ونغطيها بسرعه بصينية تانيه هتبقى محمره بس طريه وتحفه

والف هناا ..