طريقة عمل اللازانيا العزومة فاطمة ابو حاتى

 

السلام عليكم ..

النهارده جايبالكم وصفة حلوة  اوى وكلنا بنطلبها لما نروح اى مطعم عشان ساعات فيه ناس مبتعرفش تظبطها ..

لاء انا هخليكى تطلعيها زى اى شيف وتبقى كمان توب شيف

طريقة عمل اللازانيا :

طريقة مكرونة بالبشاميل جوسى فاطمة ابو حاتى

فى البدايه انا بحب جدا منتجات ايطاليانو لانها ماركه كويسه وانا بحبها ..

اللازانيا ليها تحضيرات كتير تحسى انك هتعملى موضوع كبير

الوصفة الاصليه بيبقى فيها صلصه حمرا بس انا مش بحبها فبعملها كلها 

بالبشاميل من غير صلصه بتبقى احلى واخف ..

اولا : هنحضر الحشو اللى هو لحمه مفرومه معصجه بمعلقتين صلصه طماطم ..

ثانيا: البشاميل وده هنعمله بالطريقه العاديه بس يكون خفيف ..

يلا نبتدى :

المقادير والطريقة :

هنجيب بايركس وندهنه كذا معلقه بشاميل ونرص طبقات اللازانيا ونحط فوقها بشاميل كتير عشان تستوى طبعا من البشاميل وبعدها

 طبقه مفروم  وبعدها لازانيا كده بالتبادل لحد 3 طبقات يادوب بتبقى حلوه عشان متبقاش عاليه اوى 

وبعدها اخر طبقه بشاميل زودى وحطى ميكس جبن من فوق وسيبيها 5 دقايق وبعدها دخليها الفرن ..

هتطلعلك طعمها وهم وتحفه وهتعجبك اوى ..

الف هنااا