طريقة فطائر هشه وطريه بالبرتقال العزومة فاطمة ابو حاتى

 

السلام عليكم ..

النهارده جايبالكم وصفه انما ايه حلوة اوى وهتعجبكم وتنفع اوى للفطار مع شاى بحليب ..

لو انتى ملكيش فى العجن الطريقه دى سهله وهتبقى توب شيف فيها ..

فطائر هشه بالبرتقال :

المكونات والطريقة :

هنجيب 4 كوب دقيق + ذره ملح

كيس خميرة + معلقه سكر

عصير برتقال للعجن

هنحط الخميره على نص كوب ماء وسكر ونختبرها لحد ما تختمر

هنحط الدقيق فى بوله العجن وعليه الملح

هنحط الخميرة ع الدقيق ونعجن بعصير البرتقال والمايه لحد ما العجينه تحسيها ملزقه ..

هتغطيها وتسيبها تخمر لحد ما تضاعف

هتفردى العجينه على رخامه مرشوشه دقيق وتعمليها مدورة زى القرص وترصيها وممكن تحشيها شيكولاته او سكر او مربى برتقال ..

هتسيبها تخمر تانى ساعه ..

هتدهنى الوش بشويه حليب وتدخليها الفرن لحد ما تستوى ..

حلوة وريحتها حلوة اوى ..

الف هنااا