كيفية عمل ارز بالخلطة والمكسرات العزومة فاطمة ابو حاتى

السلام عليكم ..

النهارده جايبالكم وصفه انما ايه حلوة اووى وكلنا بنحب نعملها فى العزومات عشان بيبقى شكلها حلو اوى على السفره ..

بس فيه ناس مبتعرفش تظبطها انا هقولك على الوصفة ةهتبقى توب شيف فيها ..

ارز بالخلطة والمكسرات :

المقادير والطريقة :

هنجيب 2 كوب ارز بسمتى وننقعهم فى مايه دافيه ربع ساعه ..

هنجيب كبد وقوانص فراخ ونشوحهم فى الزبده

وبعدها هنجيب بصله وندبلها فى الزبده ومعاها المكسرات والقرفه

هنصفى الرز ونضيفه ونقلبه ..

هنحط 3 كوب مايه على الكميه دى ونحط التوابل ونقلب ونوطى النار لحد ما يستوى

نقلبهم فى طبق ونحط شويه توابل وزبيب  ونقدمها ..

الف هناا ..