طريقة عمل الحجازية بحشوة روعه فاطمة ابو حاتى

 السلام عليكم ..

النهارده جايبالكم وصفة انما ايه حلوة اووى هتعجبكم وجديده على بعض الناس ..

الحجازية :

2 كوب دقيق ابيض+ 2 كوب دقيق السميد

كوب سمنه على زيت

ربع كوب ماء دافى عليه معلقه سكر ومعلقه خميره وندوبهم لحد ما يخمروا

الحشو :

مكسرات كل اللى تحبيه + قرفه + عسل اسود

الطريقة:

هنجيب بوله ونحط الدقيق والسميد وذره ملح والزيت على بعض ونقلب كويس

هنجيب الخميره ونحطها عليهم ونعجن كويس اووى

ونلف العجينه فى استرتش ونسيبها تخمر لحد ما تتضاعف

هنجيب صينيه وندهنها سمنه ونقسم العجينه نصين ناخد نص ونساويه فى الصينيه ونضع الحشو ونضغط عليه شويه وبعدين نضع النصف التانى من العجينة

نخبزها على 180 لحد ما تحمر ..

نخرجها ونقطعها بشكل حلو ..

الف هناا