طريقة عمل دونتس هشه وطرية العزومة فاطمة ابو حاتى

السلام عليكم ..

النهارده جايبالكم وصفه انما ايه تحفه بجد كلنا بنحبها وبنروح اشهر المحلات عشان نشتريها ..

لاء دلوقتى هنعرف نعملها فى البيت بسهوله وهتبقى توب شيف ..

دونتس هشه وطريه :

المقادير :

3 كوب دقيق + ذره ملح

2 بيضه +فانيليا

3 ارباع كوب حليب دافى + كيس خميره+ 3 ملاعق سكر

50 جرام زبده بحراره المطبخ

الطريقة :

هنجيب الحليب ونحط عليه الخميره والسكر والبيض والزبده وقلبيهم وبعدين حطيهم على الدقيق واعجنى كويس لحد ما تبقى ناعمه وطريه ..

هتسيبهم يخمروا لحد ما يتضاعف حجمها ..

هتفردى العجينه على رخامه مرشوشه وتقطعيهم بقطاعه الدوناتس او كوب لو معندكيش القطاعه

وتقليهم فى زيت غزير مش سخن اوى عشان ميتحرقش كل جنب دقيقه 

اول ما تبتدى تتنفخ اقلبى بسرعه ..

وممكن تزينى بشيكولاته بيضاء وممكن سكر بودره ..

الف هنااا