فطيرة محشيه بالفراخ وميكس جبن فاطمة ابو حاتى

 

السلام عليكم ..

النهارده جايبالكم وصفه حلوة اوى هتعجبكم ..

تنفع للفطار او العشا ..يلا نشوف هنعمل ايه 

فطيرة محشيه بالفراخ وميكس جبن :

المقادير :

2 كوب دقيق + ذره ملح

معلقتين زيت

معلقتين خميره + معلقه سكر + نص كوب حليب دافىء

بياض بيضه للعجينه والصفار هندهن بيه الفطيره

الحشو :

مكعبات فراخ مع فلفل وزيتون وميكس جبن

او بسطرمه

او لحممفرومه معصجه

الطريقة :

هنجيب الحليب الدافى وعليه الخميره والسكر وندوبهم ونسيبهم يختمروا ..

هنحط الدقيق والزيت والملح وبياض البيض فى بوله ونضع عليهم الخميره ونعجن بلبن دافى

نلم العجينه ونسيبها لحد ما حجمها يتضاعف ..

هنقسم العجينه نصين 

نص هنحطه فى الصينية ونفرد فوقه الحشوة وبعدها النص التانى فوقها وبعدها ندهن الفطيرة بصفار البيض مع رشه نيسكافيه

هندخلها الفرن على 200 لحد ما وشها يحمر

اما تخرج نغطيها بفوطة ونقطعها ..

الف هنااا