كيفية عمل الزبادى البلدى فى البيت من غير بوتجاز العزومة فاطمة ابو حاتى

السلام عليكم ..

ازيكم ياحلوين النهارده جايبالكم وصفة حلوة اوى محدش فينا يقدر يستغنى عنها كبار او صغار وبالذات فى سحور رمضان

الزبادى البيتى اللى ملوش حل نضافه وريحه وتوفير انا عملتها فى ماكينه زهران 

المقادير 

لتر لبن الا كوبايه هنحط مكانها الزبادى سواء بلدى او لاكتيل والبلدى احلى

كوبايه زبادى سواء بلدى او لاكتيل والبلدى احلى

بودرة ايسكريم للناس اللى عايزاه بطعم الفاكهه ..

الطريقه :

هنسخن الحليب يادوب دافى وهجيب كوبايه الزبادى واضربها فى الخلاط مع شويه لبن وبس

هحط باقى الحليب واقلبه كويس واصب فى الكوبيات ولو عايزين فاكهه هنقلب فى الباقى معلقتين بودرة الايسكريم مع الحليب بالزبادى

 ونصب فى الكوبايه انا حطيت فى كوبايه واحده معلقه  مربى زبادى اجربها مع البودرة

سيبتها فى ماكينه الزبادى 5 ساعات لكن بعد 3 ساعات بغير اماكنهم مع بعض عشان كلهم يبقوا نفس الحلاوة 

هنحطهم فى التلاجه بقى يسقعوا وناكلهم مع السحور بالهنا والشفا 

وكل سنه وانتم حلوين وطيبين