كيفية عمل اسياخ الشيش طاووك فاطمة ابو حاتى

 السلام عليكم ..

النهارده جايبالكم اكله حلوة اوى وكلنا بنحبها وبتنفع اوى فى عزومات رمضان او اى وقت هى سهله لو عرفتى تظبطيها وانا هقولك

 الطريقة عشان تبقى توب شيف ..

طريقة عمل الشيش طاووك :

المقادير والطريقة :

هنجيب كيلو شيش اللى هى افخاد الدجاج المخليه وهنغسلها كويس بالملح والخل

نشطفها ونقطعها مكعبات ..

نجيب كوبيتين زبادى او رايب وعليها معلقه صلصه وكاتشب ومسترده و باربكيو صوص وصويا صوص ودبس الرمان

ونحط التوابل اللى عندنا ..

ملح فلفل توم بودر وبصل بودر وبابريكا والتوابل السبعه ومعلقتين خل ومعلقه زيت زيتون ومعلقه عسل نحل

وننقع الفراخ فى التتبيله دى على الاقل 4 ساعات فى التلاجه

بعدها هنقطع بصل وفلفل الوان وطماطم .

هنجيب اسياخ الشيش وننقعها فى مايه عشان متتحرقش

بعد كده هنسيخ الشيش

بصل وفلفل وطماطم وفراخ وهكذا لحد ما نخلص كل الكميه

هندخلها الفرن او نشويها على الجريل مبتاخدش وقت وطعمها تحفه ..

والموضوع سهل وبيخلص فى دقايق

الف هناا