كيفية عمل حمص الشام بطريقة المحلات فاطمة ابو حاتى

السلام عليكم ..

النهارده جايبالكم وصفة حلوة ومغذيه وهتعجبكم اووى ومحدش فينا مش بيحبها ..

لانها بتدفى اوى وبتشبع  فى الشتاء ..

حمص الشام بطريقة المحلات :

كيفية عمل حمص الشام زى المحلات :

هنجيب نصف كيلو حمص الشام انا بحب الحمص الكبير وننقعه على الاقل 8 ساعات عشان الناس اللى القولون عندها بيتعبها لازم تنقع

 كل انواع البقول ..

بعدها انا بعمله فى حله الضغط عشان مياخدش وقت ..

نغسل الحمص ونحطه فى حله ومعاه فصين توم وكمون ومعلقه صلصه وملح وممكن جزره مبشورة

وتسيبيه لحد ما يستوى ويبقى طرى ..

وكلى احلى حمص الشام او الحلبسه وهتبقى توب شيف ..

وممكن تاخدى الحمص وتهرسيه فى الكبه وتعمليه سلطه حمص بتبقى تحفه

الف هنااا