كيفية عمل العيش الشامى فى الطاسة للسحور والفطار العزومة فاطمة ابو حاتى

السلام عليكم ..

النهارده جايبالكم وصفة انما ايه حلوة اوى وسهله اوى ..

مين فينا مبيحبش العيش الشامى وعشان كده جبتلكم اسهل طريقه للعيش الشامى فى الطاسه اصلى بحب اجرب  وساعات التجربه بتيجى

 بفايده انا جربت بكوبايه دقيق واحده ..

المقادير 

كوب دقيق عليه معلقه صغيره خميره وزيها سكر ورشه ملح وربع معلقه بيكنج بودر وبس 

واعجنى اوى بمايه دافيه وسيبيها تخمر ..

لما تخمر هتعمليها كور اد البيضه وسيبيها ربع ساعه وابتدى افرشى دقيق ع الرخامه وافرديها 

انا بحبه صغير عشان الساندوتشات وبعدها سيبيه ربعايه تانى يخمر

وهنجيب طاسه مش بتلزق ونسخنها اوى وبعدين نوطيها شويه ونحط العيش هنلاقيه بيتنفخ 

وريحته حلوه اوى  هنقلبه عشان مبياخدش وقت وبعدها نطلعه على فوطه ونغطيه عشان يفضل طرى وكلى احلى عيش شامى للسحور او الفطار الصبح

وكل سنه وانتم طيبين وحلوين ..