النهارده جايبالكم وصفة حلوة اوى هتعجبكم وجديده وتنفع فى العشا وسحور رمضان والولاد هيحبوها
هتعمليها وهتبقى توب شيف
فطايرتركيه محشيه فى الطاسة :
المقادير:
كيلو دقيق
نص كوبايه زيت
كوبيتين زبادى او رايب + كوب حليب
ملح وبيكنج بودر
كيس خميرة + معلقتين سكر
الطريقة :
هنجيب كوب الحليب الدافى ونحط معلقتين سكر وكيس الخميره ونسيبهم يخمروا ..
هنجيب الدقيق والملح والبيكنج بودر والزبادى والزيت ونقلب
ونعجن كويس ونقسمهم كور متوسطة ونسيب العجينه ترتاح ربع ساعه ..
فى الوقت ده هنجضر الحشوات اللى بنحبها
فراخ او سوسيس بسطرمه وميكس جبن
هنرش الرخامه دقيق ونفرده دائره وندهنها جبنه كريمى ونحط الحشو ونقفلها نصين براحه وندوس ع الاطراف بالشوكه ..
هنحضر طاسه مدهونه زيت ونقلى الفطاير على نار هاديه ونقدمها مع بطاطس محمره
الف هنااا
تعليقات
إرسال تعليق