السلام عليكم ..
النهارده جايبالكم طريقه كيكه الماربل بس ايه انما من الاخر هتعجبكم اوووى ..
يلا نشوف
دي ماربل كيك بصوص الشيكولاته
المقادير ...
3كوب دقيق
3ملعقة صغيرة بيكنج باودر
1/8ملعقة صغيرةملح
2كوب سكر ناعم الحبيبات
4حبة كبيرةبيض
1ملعقة صغيرةفانيليا سائلة
1كوب زبدة بدرجة الحرارة العادية
1كوب حليب
2ملعقة كبيره كاكاو خام
الطريقة
اولا ..
ثبتي الرف الشبك في وسط الفرن..
سخني الفرن على درجة حرارة ١٨٠م.
وجهزي قالب او صينيه بفتحة من الوسط .
إدهني القالب بالسمن وبطنيه بالدقيق.
الخليط الأبيض:
في بولة أنخلي الدقيق، البيكنج باودر والملح.
وفي بوله تانية اضربي بالمضرب الزبدة والسكر علي سرعة متوسطة لمدة ٣ دقائق لحد ما لون الزبدة يبقي أصفر فاتح.
ضيفي بيضة بيضه بالتدريج على سرعة متوسطة إلى أن تختفي تماما. وضيفي الفانيليا.
انزلي بالدقيق بالتبادل مع الحليب وشغلي المضرب لمدة دقيقة لحد ما يتكون خليط كيك ناعم.
صبي ثلاثة أرباع خليط الكيك في القالب.
وضيفي بودرة الكاكاو على الربع الباقي من الخليط وقلبي بالاسباتيولا لحد ما يختفي الكاكاو. وزعي خليط الكاكاو
على الخليط الأبيض في القالب.
دخلي القالب في الفرن لمدة ٤٠ إلى ٤٥ دقيقة. وإختبري الكيك بعود خشب . لو طلع نضيف يبقي الكيك استوت وتمام
طلعي الكيك من الفرن واقلبي مباشرة على طبق للتقديم.
صوص الشيكولاته
معلقتين نوتيلا وسخنيهم فى الميكروويف
صوص الجبنة والزبدة
8 قطع كيري
ربع كوب زبدة طرية
كوب سكر بودرة منخول
رشة فانيليا
نضرب مكونات الصوص مع بعض وننزل بيهم علي الكيك وعليهم صوص كراميل
وبالف هنا ..
تعليقات
إرسال تعليق