النهارده جايبالكم وصفه كلنا بنحبها وبناكلها مش بس فى رمضان ولو انها فى رمضان بيبقى ليها طعم تانى ..
بس هنعمل كنافه طول السنه ..
كنافة بالقشطه الكدابه
المقادير
نصف ك كنافه
نص كوب سمنه ولو بلدى يبقى تحفه
معلقتين سكر
القشطه الكدابه
كوب ونص حليب + معلقتين كبار سكر+ فانيليا+ معلقتين نشا
الشربات
كوبيتين سكر وكوب مايه وفانيليا ونص ليمونه ونسيبهم بعد ما يغلى خمس دقايق بس
الطريقه
هنجيب الكنافه ونحطها فى الفريزر ساعه لحد ما تجمد بعدها هنطلعها ونحطها فى الكبه ونفرمها وبعدها هنجيب معلقتين السكر ونفركها بيها لحد ما تبقى طريه
هنجيب السمنه ونفركها شويه فى الكنافه
هنجيب صينيه 28 وندهنها سمنه
نحط اول طبقه كنافه
نحط القشطه الكدابه فى نص الصينيه
نفرد الطبقه التانيه وندوس بالراحه لحد ما تتساوى
نرش الوش بالسمنه وندخلها الفرن على 200 20 دقيقه
ونقلبها فى بايركس ونسقيها بالشربات البارد
تقدم بالف هنا ..
تعليقات
إرسال تعليق