طريقة كفتة الارز بالبطاطس العزومة فاطمة ابو حاتى

 

السلام عليكم ..

النهاردة جايبالكم وصفة انما ايه حلوة هتحبوها ..

وصفتنا مشهورة اوى وفيه ناس كتير بيحبوها ..

كفتة الارز :

طريقة عمل كفتة الارز الجملى

اول حاجه لازم تحددى انتى هتعملى كميه اد ايه ..

اولا الارز هيتغسل وينشف ويتركن ..

هنجيب بصله كبيرة وفصين توم ونقطعهم على الرز اما ينشف ..

هتحطى الخضره شبت وبقدونس وكزبرة ..

هتحطى التوابل ملح وفلفل وكزبره والبهارات السبعه وشطه ..

لو هتعمليها بره فهتاخدى الحاجه دى معاكى ولو عند الجزار جاهزة فهتشتريها وتستبعدى الخطوة دى

لو هتعمليها فى البيت فالافضل تجيبى دقيق رز من السوبر ماركت الكبيرة ..

بعد ما الكفته تبقى صوابع هتحمريها وتقفى جنبها عشان بتستوى بسرعه

هتحضرى الصلصه معلقه توم مفروم ومعلقتين زيت وتحمريها وتحطى الطماطم وتتبيلها بالملح والفلفل

وفيه ناس بتحب بطاطس مكعبات معاها هتحطيها تستوى فى الصلصه قبل الكفته

متنسيش تشيلى شويه محمرين للولاد وابو الولاد ..

هتحطى الكفته وتقليبها فى الصلصه وتسيبها 10 دقايق تغلى وتطفى عليها ..

تقدميها مع رز ابيض بالشعرية ..

الف هناا