طريقة عمل ستيك مشوى بصوص المشروم والخضار العزومة فاطمة ابو حاتى

 السلام عليكم ..

النهارده جايبالكم اكله انما ايه حلوة اوى وهتعجبكم وكتير مننا بيطلبها فى المطاعم مع ان طريقتها سهله اوى هقولكم الطريقه وهتبقى توب شيف ..

ستيك مشوى بصوص المشروم والخضار :

قطعه اللحمه ديه اسمها ريب آى بجيبها وتتبل بملح وفلفل ورشه زيت على كل جنب وتتساب حوالى ساعه و بعد كدا نسخن الجريل كويس وبعد كدا ننزل بالستيك من غير اى اضافات ٣ دقايق ع كل جنب ع نار اعلى من المتوسط من غير تقليب كل شويه وبعد كدا نهدى النار و نحط ٤ مكعبات زبده و ٥ فصوص توم صحيح نخبطه بالسكينه بس عشان ينزل الطعم و روز مارى و نقلبه ع الجنبين لحد ما يوصل للسوى الى احنا عاوزينه وبعد كدا نطلعه ونلفه ف فويل ٥ دقايق عشان يهدى ويبقى جووسى وبس كدا

الصوص بقى ف نفس الجريل نحط قطعه زبده تانى ونشوح فيها المشروم وبعد كدا ننزل عليها بكوبايه لبن مدوب فيها معلقه دقيق وملح وفلفل ونقلب لحد ما يوصل للسمك الى احنا عاوزينه بس

الف هناا ..