طريقة عمل كيكه الفانيليا والشيكولاته بمقادير ناجحه جدا فاطمة ابو حاتى

 السلام عليكم ..

النهارده جايبالكم وصفه كلنا بنحبها ومش بنقدر نستغنى عنها بس بطريقة سهله اوى وناجحه اوى ..

الكيك :

المقادير :

2 ونص كوب دقيق

3 بيضه بحرارة الغرفه

كوب الا ربع حليب

كوب سكر

كوب الا ربع زيت

نص باكو بيكنج بودر وباكو فانيليا وذره ملح

الطريقة :

فى الخلاط هنحط الزيت والسكر ونضرب شويه هنلاقى لونهم بقى فاتح

بعدها هنضيف البيض والفانيليا ونضرب حوالى 3 دقايق متواصل لحد ما الخليط يعلى هنضيف الحليب واحنا بنضرب كمان دقيقه لحد

 ما يعمل زى الرغاوى ويدخله هوا ..

هنكون ناخلين الدقيق والبيكنج بودر والملح ونضيف عليهم الخليط اللى كان فى الخلاط ونقلب بالراحه بالمضرب فى اتجاه واحد عشان

 متخسريش الهوا اللى فى الخليط ..

هندهن صينيه بزيت ونعفرها دقيق ..

نجهز الفرن ونسخنه على 200

لو عايزين كيكه الزيبرا هنقسم الخليط نصين ونحط معلقتين كاكاو خام ومعلقتين حليب ونحطهم فى الصينيه بالتبادل مع النص التانى

 وندخل الفرن لمده 15 دقيقه وممنوع تفتحى الفرن فى الوقت ده عشان متهبطش

ونختبر الكيكه بالخله لو مفيهاش عجين يبقى تمام اقفلى الفرن وسيبى الصينيه لحد ما تبرد جواه ..

لما تخرج ممكن تزينيه بكاكاو حلو او نوتيلا اوى وى ماتحبى

والف هنااا ..