طريقة عمل انجلش كيك بالفواكه المجففه على اصولها فاطمة ابو حاتى

 السلام عليكم ..

النهارده جايبالكم طريقة كيك حلوه اوى ومشهورة اوى وتجنن مع كوبايه شاى بحليب ..

الانجلش كيك :

اعتمدوا المقادير دى هتطلع تحفه ومظبوطة ..

المقادير :

3 بيضه بحرارة المطبخ

2 ونص كوب دقيق منخول

كوب سكر

تلت كوب زيت

كوب الا ربع حليب بحرارة المطبخ

نص باكو بيكنج بودر + باكو فانيليا + ذره ملح

فواكه مجففه وزبيب منقوع فى مايه خمس دقايق

الطريقة :

هننخل الدقيق والبيكنج بودر والملح ونضعهم فى بوله بعد كده هنجيب الخلاط ونحط الزيت والسكر والبيض والفانيليا ونضرب متواصل

لمده دقيقتين لحد ما يعمل رغاوى ولونه يبيض ..

هننزل بالحليب والخلاط شغال دقيقه كمان ..

هنضع المكونات السائله على الدقيق ونقلب فى اتجاه واحد عكس عقارب الساعه لحد ما يمتزجوا ..

هنجيب قالب الانجلش كيك ونبطنه دقيق وزيت ..

هناخد الزبيب المنقوع والفواكه ونقلبهم مع معلقتين دقيق قبل ما نحطهم ع الخليط ..

علشان ميهبطوش فى القالب ويتحرقوا ..

هنقلب الفواكه والخليط تقليبه واحده ونضعهم فى القالب ونخبطه خبطتين على رخامه المطبخ ..

هنكون مسخنين الفرن على درجه 180

نحط قالب الانجلش كيك فى الفرن لمده ربع ساعه لحد ما لونه يحمر ويبقى دهبى ..

نختبره بعود خشبى لما يستوى نطفى الفرن ونسيب القالب فى الفرن لحد ما يبرد

بعد ساعه هنخرجه ونقلبه ونقطعه ونقدمه مع صوص فراوله بيبقى تحفه ..

الف هنااا