طريقة واسرار الجلاش باللحمة المفرومة فاطمة ابو حاتى

 

السلام عليكم ..

النهارده جايبالكم وصفه انما ايه حلوة اوى وكلنا بنعملها فى العزومات علشان حلوه وشيك فى التقديم ..

جلاش باللحمة المفرومة :

العصاج :

ف طاسه وهنزل ب شويه سمنه

بصل قطع صغيره

وهقلب شويه لحد ما يدبل وبعدين هنزل ب اللحمه المفرومه اكتر من ربع كيلو درجه الحراره عاليه عشان لو هاديه اللحمه هتنزل المياه وهتكون طعمها مش حلو هنزل ب التوابل ملح وفلفل وبهارات وزيتون وفلفل اخضر وهقلب شويه كده وخلاص هتكون جاهزه وف صينيه هدهنها ب شويه سمنه وهرص نص طبقات الجلاش اللى عندى تحت وهضيف اللحمه ومن فوق النص التاني من الجلاش وهنزل بكوب شوربه دافيه وفيها معلقه سمنه واشرب الجلاش واخليه يدخل كويس فى طبقات الجلاش ..

وعلى الوش معلقه سمنه عشان تاخد لون حلو وتدخل الفرن ع الرف الاوسط من تحت بس ودرجه الحراره على 170 لحد ما تحمر ولما تستوى اقفليها بصينيه تانى اكبر عشان تبقى طريه اوى ودوقى اخف واحلى جلاش باللحمه دى طريقتى ويارب تعجبكم ..

الف هنا ..