طريقة عمل طاجن الخضار المشكل التورلى بالفراخ واللحمة فاطمة ابو حاتى

 السلام عليكم ..

النهارده جايبالكم اكه انما ايه حلوه ومفيده وترضى جميع الاطراف وكله هيحبها بالطريقه دى ..

طاجن التورلى او الخضار المشكل :

المقادير :

خضار مشكل كل الانواع حسب العدد

فراخ او لحمه حسب العدد

عصير طماطم+ توابل+شوربه

الطريقه :

فى حله على النار هنحط معلقتين كبار سمنه ومستكه وحبهان ونحط الفراخ او اللحمه تتشوح وتاخد صدمه ونقلب ونحط ملح وفلفل وبهارات السبعه ..

هنقطع بصله ونقلبها معاهم شويه لحد ما تلاقى الفراخ اتشوحت تخرجيها وتحطى الخضار يتقلب شويه مع البصل ونضع عصير الطماطم ..

ونبهر الخضار مع الصلصه ومكعب مرقه وشويه شوربه لحد ما نلاقى بقوا نص سوا ..

هنجيب البايركس ونحط الخضار ومعاه الفراخ ونحط صلصه من الخضار على الفراخ علشان تاخد لون حلو ..

لحد ما الفراخ تكمل سوا مع الطاجن وتقدميه مع ارز بالشعرية ..

الف هناا