طريقة عمل شاورما الدجاج فاطمة ابو حاتى

 

السلام عليكم ..

النهارده جايبالكم وصفة إنما ايه حلوة اوى وهتعجبكم كلنا بنحبها ومنقدرش نستغنى عنها ..

شاورما الدجاج :

طريقه عمل الشاورما  الفراخ :

المكونات :

كيلو صدور  فراخ مقطع شرائح صغيرة  أو نصف كيلو حسب الرغبه

 2 معلقه خل بلسمك(خل العنب) كبيرة  ودا هيديكي طعم الشاورما السوري اللي بتشتريها من برا مش متوفر يبقا خل عادي

صويا صوص ودبس الرمان 

عصير ليمون 

  3 معالق كبيرة زبادى او كوب لبن بيخلي الفراخ طريه

بصله مقطعه شرائح ،+ فلفل ألوان 

 ملح  وببريكا مدخنة

 ثوم بودر

بصل بودر 

 فلفل أسود

بهارات شاورما بتبقى حلوة اوى

 كل البهارات معلقه صغيرة

نخلط المكونات  الجافه مع الزبادي  والخل  كويس ثم يضاف عليها الفراخ وتقلب  وتترك  فى الثلاجة حولى 4 ساعات  علشان تشرب   الخلطه  بتعتها كويس وفى صينيه هنحط معلقه سمن  مع 2 معلقه كبيرة زيت على النار ثم يضاف فيها الفراخ  وتقلب وبعد شويه يضاف البصل  ويقلب  وأما تقرب تستوى ننزل بى الفلفل الالوان  وتترك شويه بسيطه على النار

ممكن تقدميها مع مكرونه او فى العيش السوري او التورتيلا او الكريب أنا بحبها فى الفينو

وتقدم مع ثوميه ..

الف هنا ..

 بالف هنا وشفا