طريقة عمل الهريسة الاسكندراني زي المحلات فاطمة ابو حاتى

 السلام عليكم ..

النهارده جايبالكم وصفة إنما ايه حلوة اوى وهتعجبكم ..

الهريسة الاسكندراني :

المقادير :

٤ كوب دقيق السميد + كوب دقيق فاخر

كوب الا ربع سمنه بلدى 

كوب حليب

2/3 كوب شربات تقيله

٢وتلت كوب جوز هند 

٢كوب الا ربع سكر 

باكو فانيليا + ربع معلقه ملح 

الطريقة 

هنضع السميد والدقيق والسكر وجوز الهند ونقلب ..

هنضع السمنه الدافيه ونبس الخليط لحد ما يتغلف كويس كله بالسمنه 

هنجيب كوب الحليب ونحط عليه الشربات والفانيليا ونقلب ..

هنحط اللبن والشركات على خليط الدقيق ونقلب ونعجن شويه ..

هتلاقى الخليط لو ضغطى عليه هيبقى زى العجينه بس مفرول هنفرده على صينيه مدهونة سمنه ونفردها ومستوى سطحها ب أننا نبل المعلقه فى الشربات ونساوى السطح بتاع الصينية ونقسمها زى ما نحب ونحط المكسرات زى ما نحب وندخلها الفرن على درجة حرارة  180 لحد ما لونها يحمر ولما تخرج هى سخنه هنسقيها الشربات التقيل زى بتاع الكنافه وعليه معلقه سمنه بلدي 

ويكون دافى لحد ما الشربات يتشرب ..

ألف هنا ..